नंदुरबार l प्रतिनिधी
महाराष्ट्र ॲमेच्युअर नेटबॉल असोसिएशन यांच्या मान्यतेने नेटबॉल खेलकुद युवा असोसिएशन नंदुरबार यांच्या वतीने उद्या दि. ७ ऑक्टोबर २०२३ रोजी नंदुरबारात १६ वी महाराष्ट्र राज्य सब ज्युनिअर मुले-मुली राज्य अजिंक्यपद स्पर्धा आयोजित करण्यात आली आहे. या स्पर्धेत सहभागी होण्याचे आवाहन नेटबॉल खेलकुद युवा असोसिएशन नंदुरबारतर्फे करण्यात आले आहे.
नंदुरबार येथील जिल्हा क्रीडा संकुलात उद्या दि. ७ ऑक्टोबर २०२३ रोजी सकाळी ९ वाजता १६ वी महाराष्ट्र राज्य सब ज्युनिअर मुले- मुली राज्य अजिंक्यपद स्पर्धेचा उद्घाटन सोहळा आयोजित करण्यात आला आहे. या स्पर्धेचे उद्घाटन राज्याचे आदिवासी विकास मंत्री ना. डॉ. विजयकुमार गावित यांच्या हस्ते होईल.
कार्यक्रमाच्या अध्यक्षस्थानी संसदरत्न खा. डॉ.हिना गावित असतील. प्रमुख पाहुणे म्हणून नंदुरबार जिल्हा परिषदेचे अध्यक्ष डॉ. सुप्रिया गावित, माजी जि.प.अध्यक्षा डॉ. कुमिदिनी गावित, जि.प.कृषी व पशुसंवर्धन सभापती हेमलता शितोळे, जिल्हा क्रीडा अधिकारी सुनंदा पाटील, एकात्मिक आदिवासी विकास प्रकल्पाचे नंदुरबार प्रकल्प अधिकारी चंद्रकांत पवार, महाराष्ट्र ॲमेच्युअर नेटबॉल असोसिएशनचे अध्यक्ष विपिन कामदार, महासचिव ललित जिवाणी, नेटबॉल खेलकूद युवा असोसिएशन नंदुरबारचे अध्यक्ष राजेश रघुवंशी, उपाध्यक्ष प्रा.डॉ.ईश्वर धामणे आदी उपस्थित राहतील. या स्पर्धेत उपस्थित व सहभागी होण्याची आवाहन नेटबॉल खेलकूद युवा असोसिएशन नंदुरबारचे कार्याध्यक्ष बळवंत निकुंभ, सचिव राजेंद्र भोई, प्रा.डॉ.अरविंद कांबळे, धनराज अहिरे, शोभराज खोंडे, भूषण कुलथे, योगेश निकुंभ, शांतीलाल चौधरी, सुरेश ठाकरे, श्रीकांत चव्हाण, महेंद्र काटे, मनोज कुलथे, किरण सैंदाणे, कुणाल चौधरी, सचिन गोंधळी, दीपेश गायकवाड आदींनी केले आहे.
