म्हसावद । प्रतिनिधी
शहादा तालुक्यातील म्हसावद अनेकवाडा येथील शेतात बिबट्या मृतावस्थेत आढळून आल्याने एकच खळबळ उडाली.
याबाबत सविस्तर माहिती अशी की,अनेकवाडा येथील ईश्वर मनिलाल पाटील यांच्या गट नंबर ५ शिवारात केळीच्या शेतात बिबट्या मृतावस्थेत आढळून आला.दरम्यान मुख्य विद्युत तारेचा शॉक लागल्याने मयत झाल्याचे समजते.सदर मयत बिबट मादी जाती चा असून त्याचे वय दोन ते अडीच वर्षाचे आहे. त्याची लांबी २.७५ मीटर व रुंदी ०.६० से.मी चा आहे.
तो भक्षक शोधत शोधत लिंबाच्या झाडावर चढत असताना त्यास मुख्य विद्युत तारेचाचा स्पर्श झाल्याने तो जागीच गतप्राण झाल्याने प्रथम दर्शनी समजले.या परिसरात त्याची दुर्गंधी येत असल्याने हा प्रकार गावकऱ्यांच्या लक्षात आलं. सदर घटनेला दोन तीन दिवस झाले असतील असा प्राथमिक अंदाज वन विभागाने दिली.ही बातमी गावात वाऱ्यासारखी पसरताच बिबट पाहण्यासाठी नागरिकांनी एकच गर्दी केली होती.
सरपंच युवराज ठाकरे यांनी वन विभागास याबाबत माहिती दिल्यावरून राणीपुर वन विभागाचे प्रभारी वन क्षेत्रपाल संजय पवार,वनपाल दिलीप केलकर,वनपाल राधेश्याम वळवी,मानद वन्य रक्षक सागर निकुंभ,वन्य जीव सरंक्षक दिनेश पवार घटनास्थळी दाखल झाले. मयत बिबट ला राणीपुर येथील कार्यालयात श विच्छेदन करण्यासाठी पाठविण्यात आले आहे.तो कशा मुळे मयत झाला हे शव विच्छेदन झाल्यावरच समजेल.
