नंदुरबार l प्रतिनिधी
अक्कलकुवा तालुक्यातील नवापाडा गावात निरीक्षक डी.एम.चकोर यांच्या नेतृत्वात राज्य उत्पादन शुल्क विभागाच्या भरारी पथकाने ठिकाणी छापा टाकून परराज्यातील मद्यसाठासह रु.9 लाख 72 हजार रुपयांचा मुद्देमाल जप्त केला आहे.
याबाबत अधिक माहिती अशी की, मिळालेल्या गुप्त बातमीनुसार कुडाची झोपडीत नवापाडा शिवार ता.अ.कुवा जि.नंदुरबार याठिकाणी छापा टाकला असता तेथे टयुबर्ग स्ट्रॉंग बिअर 500 मि.ली. क्षमतेचे एकुण 300 बॉक्स (7200 पत्री टीन) (हिमाचल प्रदेश निर्मित व हरीयाणा राज्यात विक्रीस असलेले) मुद्देमाल मिळून आला. सदर एकूण 9 लाख 72 हजाराचा मुद्देमाल जप्त करण्यात आला. सदर कारवाई महाराष्ट्र दारुबंदी कायदा 1949 अंतर्गत कारवाई करण्यात आली.
सदरची कार्यवाही रा.उ.शु. भरारी पथक नंदुरबार निरीक्षक डी एम चकोर,बी.एस. महाडीक, दुय्यम निरीक्षक एस.आर.नजन, सागर इंगळे प्रशांत एस.पाटील, जवान सर्वश्री, हितेश जेठे, संदिप वाघ, एम. के. पवार सहा. दु. निरीक्षक, रामसिंग राजपुत सहा.दु.निरीक्षक मानसिंग पाडवी, धनराज पाटील, हेमंत पाटील, संजय बैसाणे, राहुल साळवे यांनी केली. सदर गुन्हयाचा तपास डी.एम. चकोर निरीक्षक राज्य उत्पादन शुल्क भरारी पथक नंदुरबार हे करीत आहेत.
