नंदुरबार l प्रतिनिधी
नवापूर तालुक्यातील चिंचपाडा रेल्वे गेटजवळ वाहनाने धडक दिल्याने वेडसर पुरुषाचा मृत्यू झाल्याची घटना घडली.
याबाबत पोलीस सूत्रांनी दिलेल्या माहितीनुसार,नवापूर तालुक्यातील चिंचपाडा रेल्वे गेटजवळ रस्त्यावर एका अज्ञात वाहनावरील चालकाने त्याच्या ताब्यातील वाहन रस्त्याच्या परिस्थितीकडे दुर्लक्ष करुन भरधाव वेगात वाहन चालवून एका ३० ते ३५ वयोगटातील वेडसर पुरुषास धडक दिल्याने त्याचा मृत्यू झाला.
अपघातानंतर वाहन चालक घटनास्थळावरुन पसार झाला. याबाबत राहूल संजय गावित यांच्या फिर्यादीवरुन नवापूर पोलिस ठाण्यात अज्ञात वाहन चालकाविरुद्ध भादंवि कलम ३०४ (अ), २७९, ३३७, ३३८, मोटार वाहन कायदा कलम १८४, १३४/ १८७ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक मनोज पाटील करीत आहे.
