नंदुरबार l प्रतिनिधी
डिस्ट्रिक्ट गव्हर्नर निहीर दवे यांच्या उपस्थितीत नंदुरबार येथील छत्रपती शिवाजी महाराज नाट्यगृह येथे रोटरी क्लब ऑफ नंदनगरीचे अध्यक्ष म्हणून फखरुद्दीन जलगुणवाला तर सचिव म्हणून आकाश जैन यांचा पदग्रहण समारंभ होणार आहे.
समारंभप्रसंगी प्रमुख पाहुणे म्हणून माजी आमदार चंद्रकांत रघुवंशी, जिल्हा पोलीस अधीक्षक पी.आर.पाटील, राष्ट्रवादी कॉंग्रेसचे जिल्हाध्यक्ष डॉ.अभिजित मोरे, हिरा उद्योग समूहाचे प्रमुख डॉ.रविंद्र चौधरी, रोटरी डिस्ट्रिक्ट ऍडमिनिस्ट्रेशन कौन्सिलर आशिष अजमेरा, फर्स्ट लेडी वैशाली दवे, क्लस्टर सेक्रेटरी डॉ.राणू अजमेरा, युवा उद्योजक उमेश जैन, असिस्टंट गव्हर्नर चेतन सिसोदिया आदी उपस्थित राहणार आहेत.
सदर पदग्रहण समारंभापूर्वी रोटरी क्लब नंदनगरी तर्फे रविवारी दिवसभर विविध कार्यक्रमाचे आयोजन करण्यात आले आहे. त्यात अरिहंत गो शाळेत गो पूजन, वृक्षारोपण, रोटरी वाचनालयाचे उद्घाटन, रक्तदान शिबीर, प्रौढ साक्षरतेचा उपक्रम आदींच्या समावेश आहे. त्याचप्रमाणे व्हॉइस ऑफ नंदनगरी ही कराओके गितगायन स्पर्धेची अंतिम फेरी देखील शिवाजी महाराज नाट्यगृह येथे रविवारी दुपारी ११ वाजेपासून संपन्न होणार आहे.
या स्पर्धेच्या अंतिम फेरीत लहान व मोठा गट असून या स्पर्धेत एकूण ५० हौशी गायक कलावंत सहभागी होणार आहेत. या स्पर्धेसाठी संगीत क्षेत्रातील नामवंत कलाकार परीक्षण करणार आहेत. विजेत्यांना रोटरी क्लब ऑफ नंदनगरीतर्फे विविध पारितोषिक देऊन गौरविण्यात येणार आहे. व्हॉइस ऑफ नंदुरबार ही स्पर्धा ऐकण्यासाठी सर्वांना खुली असून या स्पर्धेवेळी जास्तीत जास्त रसिक प्रेक्षकांनी उपस्थित राहावे असे आवाहन रोटरी क्लब ऑफ नंदनगरीचे अध्यक्ष फखरूद्दीन जलगूनवाला, सचिव आकाश जैन, अनिल शर्मा, किरण दाभाडे, प्रितीश बांगड, नागसेन पेंढारकर, शितल पटेल, सैय्यद इसरार अली, विवेक जैन, प्रवीण पाटील, राहुल पाटील, प्रा.राहुल मेघे, हर्षल पाटील, मुर्तूझा वोरा आदींनी केले आहे.
