नंदुरबार l प्रतिनिधी
शहरातील आरटीओ कार्यालयाजवळ दुचाकींच्या झालेल्या धडकेत पोलिस कर्मचारी जखमी झाल्याची घटना घडली.
याबाबत पोलीस सूत्रांनी दिलेल्या माहितीनुसार, तळोदा पोलिस ठाण्यातील पोकॉ.मुकेश साळवे हे नंदुरबार शहरातील आरटीओ कार्यलयाजवळून दुचाकीने जात होते. यावेळी एका अज्ञात दुचाकी चालकाने त्याच्या ताब्यातील दुचाकी (क्र.एम.एच. ३९ एएल १७०४) रस्त्याच्या परिस्थितीकडे दुर्लक्ष भरधाव वेगात दुचाकीला धडक दिल्याने मुकेश साळवे जखमी झाले.
तसेच दोघा दुचाकीचेही नुकसान झाले. याबाबत महिला पोलिस शिपाई जायदा वळवी यांच्या नंदुरबार शहर पोलिस ठाण्यात दुचाकी चालकाविरोधात भादंवि कलम २७९, ३३८, ४२७ मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास पोना.प्रताप वसावे करीत आहेत.
