नंदुरबार l प्रतिनिधी
अक्कलकुवा तालुक्यातील मोलगीचा चनवाईपाडा येथील युवतीस आत्महत्येस प्रवृत्त केल्याप्रकरणी एकाविरुद्ध गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार, अक्कलकुवा तालुक्यातील मोलगीचा चनवाईपाडा येथील एका १७ वर्षीय युवतीस राहूल अमरसिंग वळवी रा.वेली पिंपळकुडपाडा ता.अक्कलकुवा याने वेळोवेळी तिची छेडछाड केली. तसेच शिवीगाळ करीत ऑनलाईन फोटो व्हायरल करुन आत्महत्येस प्रवृत्त केले.
याबाबत मोलगी पोलिस ठाण्यात महिलेच्या फिर्यादीवरुन मोलगी पोलिस ठाण्यात राहूल वळवी याच्याविरुद्ध भादंवि कलम ३०५, ३५४ (ए), ५०० सह पोक्सो का.कलम ०८ व १२ माहिती तंत्रज्ञान अधिनियम कलम ६७ (सी) प्रमाणे गुन्हा दाखल करण्यात आला आहे. पुढील तपास पोलिस निरीक्षक दीपक बुधवंत करीत आहेत.
