नंदुरबार l प्रतिनिधी
येथील श्रीमती डी. आर. हायस्कूल मध्ये आंतरराष्ट्रीय बुद्धिबळ दिवस उत्साहात साजरा करण्यात आला. कार्यक्रमाच्या अध्यक्षस्थानी शाळेचे मुख्याध्यापक सुभाष चौधरी ,प्रमुख पाहुणे शाळेचे उपमुख्याध्यापक पंकज पाठक, तसेच मंचावर शाळेचे पर्यवेक्षक विपुल दिवाण, मिलिंद चव्हाण, अशोक वसईकर, क्रीडा विभाग प्रमुख जगदीश बच्छाव आदी मान्यवर उपस्थित होते.
याप्रसंगी प्रमुख पाहुणे पंकज पाठक म्हणाले की, बुद्धिबळ बुद्धीचा खेळ आहे समोरचा खेळाडूचा चाली ओळखून आपल्याला खेळावे लागते. चौसष्ट घरांचा अभ्यास आपल्याला हवा. या खेळाने बुद्धी ,एकाग्रता, चिकाटी या गुणांच्या विकास होतो.
कार्यक्रमाचे अध्यक्ष शाळेचे मुख्याध्यापक सुभाष चौधरी यांनी सांगितले की प्रत्येक विद्यार्थ्याने कुठलाही खेळ हा खेळ भावनेतूनच खेळायला हवे .हा मैदानी खेळ नाही, हा शक्तीचा खेळ नाही, इथे युक्तीने खेळायला हवे असे प्रतिपादन केले.
यानंतर दोन्ही मान्यवरांनी पटावर चाली रचून कार्यक्रमाचे उद्घाटन केले.या स्पर्धेत इयत्ता पाचवी ते आठवीच्या 108 विद्यार्थ्यांनी सहभाग नोंदवला.
इयत्ता 5वी चा गट प्रथम राज माळी, द्वितीय प्रणव शिरसाट, तृतीय दीपक बेलदार ईयत्ता 6वी गट प्रथम ऋषिकेश मोरे, द्वितीय गणेश पाटील,तृतीय प्रणव पाटील, इयत्ता 7 वी गट प्रथम वैभव गावित, द्वितीय यश पवार, तृतीय मयूर गवते, इयत्ता 8वी गट प्रथमअनुराग चौधरी, द्वितीय पृथ्वीराज पाटील, तृतीय साई मराठे या विद्यार्थ्यांनी यश संपादन केले.
या स्पर्धेसाठी मिलिंद चव्हाण, तुषार नांद्रे, निलेश गावित, घनश्याम लांबोळे यांनी पंच म्हणून काम पाहिले तर प्रशांत पाटील ,सोहम ओझा व सर्व क्रीडा शिक्षक बंधू भगिनी यांनी सहकार्य केले.
