नंदुरबार l प्रतिनिधी
नंदुरबार उपप्रादेशिक परिवहन कार्यालय परिसरात उभा असलेला वाळू वाहतुकीचा डंपर मध्यरात्रीत एका संशयीतान चोरून नेल्याची घटना घडली आहे याप्रकरणी नंदुरबार शहर पोलीस ठाण्यात एकाविरुद्ध चोरीचा गुन्हा दाखल करण्यात आला आहे.
प्राप्त पोलीस माहितीनुसार उपप्रादेशिक परिवहन विभागाच्या अधिकाऱ्यांनी ओवरलोड असलेला वाळू ने भरलेला डंपर (क्र. डी.डी.1, एल 9373) वर कारवाई करीत सदर डंपर हा उपप्रादेशिक परिवहन कार्यालय नंदुरबारच्या परिसरात जप्त करीत उभा करण्यात आला होता.22 जून 2023 रोजीच्या मध्यरात्रीत अंधाराचा फायदा घेत संशयित शेख कय्युम शेख अस्लम रा. नंदुरबार या चोरट्यानं हा वाळूने भरलेला डंपर परिसरातून चोरून नेल्याची घटना घडली आहे.
सकाळी 23 जून रोजी दहा वाजता अधिकाऱ्यांच्या ही बाब निदर्शनास आली यानंतर 28 जून 2023 रोजी महेश दत्तात्रय गावित तलाठी नंदुरबार यांच्या फिर्यादीनुसार नंदुरबार शहर पोलीस ठाण्यात संशयित शेख कयूम शेख अस्लम राहणार नंदुरबार याच्याविरुद्ध भादवी कलम 379 प्रमाणे डंपर चोरीचा गुन्हा दाखल करण्यात आला आहे.पुढील तपास पोलीस हवालदार राजेश येवले करीत आहे.
