म्हसावद l प्रतिनिधी
शहादा तालुक्यातील चिरखान येथे खासदार डॉ. हिनाताई गावित यांच्या वाढदिवसानिमित्त जयनगर परिसरातील वनश्री पुरस्काराने सन्मानित सामाजिक कार्यकर्ते ईश्वर संतोष माळी यांच्याकडून शेतकऱ्यांना मोफत बियाणे वाटप करण्यात आले.
सध्या लागवड व पेरणीची वेळ पाहता खासदार हिना गावित यांच्या वाढदिवसाचे औचित्य साधून वनश्री पुरस्कार प्राप्त ईश्वर माळी यांनी स्वखर्चातून चिरखान येथील गरजू शेतकऱ्यांना मोफत कापूस, मका, मुगचे बियाणे वाटप केले. येथील जे कोरडवाहू शेतकरी आहेत अशा शेतकऱ्यांची पावसाअभावी लागवड व पेरणी बाकी होती.
व अनेक शेतकऱ्यांची पाण्याची उपलब्धता असून बियाणे खरेदी करायला पैसे नव्हते अशा गरजू शेतकऱ्यांना ईश्वर माळी यांच्या हस्ते मोफत बियाण्याचे वाटप करण्यात आले. यापूर्वी ईश्वर माळी यांनी तालुक्यातील अनेक गावांमध्ये गरजू आदिवासी शेतकऱ्यांना कोरोना काळातही मदत केली आहे. याप्रसंगी ज्येष्ठ नेते डॉ. कांतीलाल टाटिया, सरपंच शारदा चव्हाण, उपसरपंच संग्राम ठाकरे व ग्रामस्थ उपस्थित होते.
याप्रसंगी डॉ. कांतीलाल टाटिया यांनी संसद रत्न खासदार डॉ. हिना गावित यांच्या कार्याविषयी ग्रामस्थांना माहिती दिली.
