नंदूरबार l प्रतिनिधी
राजबर्डी ता. अक्राणी येथील दोन महिलांना २०२३-२४ या वर्षाकरिता ग्रामपंचायत स्तरावर पुण्यश्लोक अहिल्याबाईदेवी होळकर पुरस्कार लोकनियुक्त सरपंच माधव फेरांग्या पावरा यांच्या हस्ते देऊन सत्कार करण्यात आला.
पुण्यश्लोक अहिल्याबाई होळकर यांच्या प्रतिमेचे पूजन सरपंच माधव पावरा यांच्या हस्ते करून कार्यक्रमास सुरुवात करण्यात आली. सामाजिक क्षेत्रात स्त्रीभ्रूणहत्या, बालविवाह, स्री विरुद्ध अन्याय-अत्याचार आरोग्य क्षेत्रात उल्लेखनीय काम केल्याने व स्त्रियांना आत्मनिर्भर करणे आदी सामाजिक कार्यात भरीव कामगिरी केल्याबद्दल अंगणवाडी सेविका श्रीमती सुनिता वीरसिंग पावरा व आरोग्य क्षेत्रात उल्लेखनीय काम केल्याने श्रीमती लता रवींद्र पावरा यांचा शाल श्रीफळ, पुरस्कार, प्रमाणपत्र देऊन ग्रामपंचायत कार्यालयात पुरस्कार देऊन सत्कार करण्यात आला.
कार्यक्रमास कान्या आदल्या पावरा , निशा राहुल पावरा, पिट्टी बाई मेरसिंग पावरा, लालसिंग चंद्रसिंग पावरा, लता रमेश पावरा, यमुनाबाई चौधरी पावरा, अनिल रमेश पावरा, रामसिंग जिऱ्या पावरा, प्रमिला रोहिदास पावरा, रवींद्र धन्या पावरा, नसली ब्रिजलाल पावरा, ग्राम विस्तार अधिकारी आतिश चव्हाण पदाधिकारी ग्रामस्थ कार्यक्रमास उपस्थित होते.
