नंदुरबार l प्रतिनिधी
शासन आपल्या दारी मोहिमेच्या माध्यमातून जिल्ह्यातील शेतकऱ्यांनी एकात्मिक फलोत्पादन विकास अभियानांतर्गत फळे, फुले, मसाला लागवड योजनांचा लाभ घेण्यासाठी https://mahadbt.maharashtra.
एकात्मिक फलोत्पादन विकास अभियानातंर्गत फळे, फुले, मसाला लागवड व जुन्या फळबागांचे पुनरुज्जीवन हा घटक राबविण्यात येत आहे. या घटकांत विदेशी फळे, फुले, मसाला लागवड व आंबा, चिकु, संत्रा, मोसंबी या फळपिकांच्या जुन्या फळबागांचे पुनरुज्जीवन करण्यासाठी लाभ देण्यात येणार आहे.
फुले घटकांत कट फ्लॉवर्ससाठी अल्प भूधारक शेतकऱ्यास 1 लाख प्रति हेक्टर खर्च मर्यादेत एकूण खर्चाच्या 40 टक्के किंवा कमाल 40 हजार प्रति हेक्टर अनुदान तर इतर शेतकऱ्यास एकूण खर्चाच्या 25 टक्के किंवा कमाल 25 हजार प्रति हेक्टर अनुदान देण्यात येईल.
कंदवर्गीय फुलेसाठी अल्प भूधारक शेतकऱ्यास 1 लाख 50 हजार प्रति हेक्टर खर्च मर्यादेत एकूण खर्चाच्या 40 टक्के किंवा कमान 60 हजार प्रति हेक्टर अनुदान तर इतर शेतकऱ्यास एकूण खर्चाच्या 25 टक्के किंवा कमाल 37 हजार 500 प्रति हेक्टर अनुदान देण्यात येईल. तर सुटी फुलेसाठी अल्प भूधारक शेतकऱ्यास 40 हजार प्रति हेक्टर खर्च मर्यादेत एकूण खर्चाच्या 40 टक्के किंवा कमाल 16 हजार प्रति हेक्टर अनुदान तर इतर शेतकऱ्यास एकूण खर्चाच्या 25 टक्के किंवा कमाल 10 हजार प्रति हेक्टर अनुदान देण्यात येईल.
मसाला पिक लागवड घटकांत बियावर्गीय व कंदवर्गीय मसाला पिकासाठी शेतकऱ्यास 30 हजार प्रति हेक्टर खर्च मर्यादेत एकूण खर्चाच्या 40 टक्के किंवा कमाल 12 हजार प्रति हेक्टर अनुदान तर बहुवर्षीय मसाला पिकासाठी शेतकऱ्यास 50 हजार प्रति हेक्टर खर्च मर्यादेत एकूण खर्चाच्या 40 टक्के किंवा कमाल 20 हजार प्रति हेक्टर अनुदान देण्यात येईल.
विदेशी फळपिक लागवड घटकांत ड्रॅगनफ्रुट फळासाठी शेतकऱ्यास 4 लाख प्रति हेक्टर खर्च मर्यादेत एकूण खर्चांच्या 40 टक्के किंवा कमाल 1 लाख 60 हजार प्रति हेक्टर अनुदान तर स्ट्रॉबेरी फळासाठी शेतकऱ्यास 2 लाख 80 हजार प्रति हेक्टर खर्च मर्यादेत एकूण खर्चांच्या 40 टक्के किंवा कमाल 1 लाख 12 हजार प्रति हेक्टर अनुदान तसेच अवॅकॅडो फळासाठी शेतकऱ्यास 1 लाख प्रति हेक्टर खर्च मर्यादेत एकूण खर्चांच्या 40 टक्के किंवा कमाल 40 हजार रुपये अनुदान देण्यात येते. तर जुन्या फळबागांचे पुनरुज्जीवनासाठी शेतकऱ्यास 40 हजार प्रति हेक्टर खर्च मर्यादेत खर्चांच्या 50 टक्के व जास्तीत जास्त 20 हजार रुपये प्रति हेक्टर अनुदान देण्यात येते.
तरी या घटकांचा जास्तीत जास्त शेतकऱ्यांनी लाभ घेण्यासाठी ऑनलाईन पद्धतीने अर्ज करावे. अधिक माहितीसाठी मंडळ कृषी अधिकारी व तालुका कृषी अधिकारी कार्यालयाशी संपर्क साधावा, असे आवाहन महाराष्ट्र राज्य फलोत्पादन आणि औषधी वनस्पती मंडळाचे संचालक डॉ.मोते यांनी केले आहे.
