नंदूरबार l प्रतिनिधी
वाघाची कातडी व वाघनखे विक्रीसाठी आणलेल्या तीन व खरेदीदार एक अशा चार जणांना शहादा बसस्थानकावर जेरबंद करण्यात आले आहे.याप्रकरणी चौघांना न्यायालयात हजर केले असता त्यांना 4 मे पर्यंत वनकोठडी सुनावण्यात आली आहे.
सविस्तर वृत्त असे की, वनविभागाला मिळालेल्या गुप्त माहितीनुसार दि २९ एप्रिल रोजी रात्री साडेदहा वाजता शहादा बसस्थानकावर गूजराथ राज्यातून वाघाची कातडी व वाघनखे विक्रीसाठी येणार असल्याची माहिती मिळाली.
वनविभागाच्या टिमने सापळा लावला.तेथे तीन जण वन्यप्राण्यांचे अवयव विक्रीसाठी व एक जण खरेदीदार संशयास्पद आढळून आले.त्यांना रंगेहाथ पकडण्यात आले.त्या व्यक्तींकडून वन्यप्राणी वाघाची कातडी एक व वीस वाघनखे हस्तगत करण्यात आली.याप्रकरणी रामचंद्र गोविंद जाधव रा मोराणे,राया बयसिंग हूंबरे रा. चिपी दोन्ही ता सटाणा जि नाशिक,सूखीराम महारु भदाणे रा. बंधारपाडा,ता साक्री जि धूळे,चंदन शमनलाल टेकवाणी या चार जणांना अटक करण्यात आली.
या शहादा या चौघांविरुद्ध वन्यजीव संरक्षण कायदा १९७२ च्या कलमांतर्गत वन गून्हा नोंदवण्यात आला आहे.सदर आरोपींना शहादा न्यायालयात हजर केले असता ४ मे २०२३ पर्यंत वनकोठडी देण्यात आली आहे.
सदरची कारवाई वन उपसंरक्षक कृष्णा भंवर नंदूरबार यांच्या मार्गदर्शनाखाली सहायक वनसंरक्षक संजय साळूंके अक्राणी, वनक्षेत्रपाल आशूतोष मेढे शहादा,वनपाल एस.एन.पाटील दरा, वनपाल बी.पी.जमदाडे जयनगर, वनरक्षक एक. जी. मूकाडे,आर.जी.वसावे,एफ.एन.वसावे,विक्रम पाटील आदींचा कारवाईत सहभाग होता.पूढील तपास आशूतोष मेढे करीत आहेत.