नंदुरबार l प्रतिनिधी
तालुक्यातील पातोंडा येथे सकाळच्या सुमारास 21 वर्षीय तरुणाचा एका घरात आदिवासी वस्तीत मृतदेह आढळून आल्याने खळबळ उडाली. तर दुसऱ्या घटनेत कोळदा ते लहान शहादा रस्त्याजवळ बाजरीच्या शेतात 35 ते 40 वर्षीय अनोळखी महिलेचा अज्ञात कारणातून खून झाला आहे. महिलेची ओळख पटलेली नसून पोलिसांनी घटनास्थळी जाऊन पाहणी केली.
याबाबत अधिक माहिती अशी की, पातोंडा येथील नरेश मन्साराम ठाकरे (वय 21) हा तरुण चार दिवसापूर्वी सौराष्ट्र येथून गावात आला होता. तरुण हा अविवाहित असून नेमका मृत्यू कशामुळे झाला हे कारण अद्याप अस्पष्ट असून पोलिस पुढील तपास करीत आहेत. घटनास्थळी शहर पोलीस ठाण्याचे पोलीस पथकासह मोठा फौज फाटासह दाखल झाले होते. यावेळी घटनेचा पंचनामा करून शवविच्छेदनासाठी तरुणाचा मृतदेह जिल्हा रुग्णालयात पाठविण्यात आला होता.
नंदुरबार शहर पोलिस ठाण्यात उशिरापर्यंत गुन्ह्याची नोंद करण्याची प्रक्रिया सुरू होती.
तसेच कोळदा शिवारातील एका बाजरीच्या शेतात एका 35 ते 40 वर्षीय महिलेचा मृतदेह फुगलेल्या अवस्थेत आढळून आला. या घटनेने परिसरात एकच खळबळ उडाली होती सदर घटना वाऱ्यासारखी पसरतात या घटनेची माहिती जिल्हा पोलिस अधीक्षक पी आर. पाटील यांना मिळताच तात्काळ तालुका पोलिस ठाण्याच्या पोलिसांना कळविण्यात आल्यानंतर पोलिसांनी तात्काळ घटनास्थळी दाखल होत घटनेचा पंचनामा केला आहे.
यावेळी तसेच ठसे तज्ञांना पाचाराण करण्यात आले होते. यानंतर महिलेचा मृतदेह शवविच्छेदनासाठी जिल्हा रुग्णालयात पाठविण्यात आला.
या दरम्यान अप्पर पोलीस अधीक्षक निलेश तांबे, स्थानिक गुन्हा अन्वेषण शाखेचे पोलिस निरीक्षक किरण खेडकर , नंदुरबार तालुका पोलिस स्टेशनचे पोलीस निरीक्षक राहुलकुमार पवार, उपनगर पोलिस ठाण्याचे पोलिस निरीक्षक, आदी पोलीस कर्मचारी घटनास्थळी होते. या घटनेची नोंद नंदुरबार तालुका पोलिस ठाण्यात करण्यात आली आहे.
