नंदुरबार l प्रतिनिधी
साक्री तालुक्यातील निजामपूर जवळ मेणबत्ती बनवण्याच्या कारखान्याला भीषण आग लागली असून या आगीत होरपळून चार जणांचा मृत्यू तर दोन जण गंभीर जखमी झाल्याची घटना घडली आहे.दरम्यान दोघांना नंदूरबार जिल्हा रुग्णालयात दाखल करण्यात आले होते.
धुळे जिल्ह्यातील साक्री तालुक्यात असलेल्या निजामपूर गावाजवळ असलेल्या चिपलीपाडा शिवार येथे एका मेणबत्ती बनवायच्या कारखान्याला लागलेल्या भीषण आगीत चार महिलांचा दुर्दैवी मृत्यू झाला आहे तर दोन महिला गंभीर रित्या भाजल्या आहेत. वाढदिवसानिमित्त वापरले जाणारी आकर्षक मेणबत्ती या कारखान्यामध्ये बनवली जात होती.
यादरम्यान दुपारी दोन वाजेच्या सुमारास शॉर्ट सर्किटमुळे ही भयानक आग लागली आणि या आगीत होरपळून या चौघा महिलांचा मृत्यू झाल्याची प्राथमिक माहिती समोर आली आहे. मयत मजूर हे जैताने येथील राहणारे असल्याचे समजते. मयतांमध्ये आशाबाई भैया भागवत (वय ३५) आणि राजश्री भैया भागवत (वय १५), नयना संजय माळी, सिंधुबाई धुडकू राजपूत या चोघांचा समावेश असल्याचे बोलले जात आहे. चौकशीतच आगीच नेमकं कारण समोर येणार असल्याच पोलीस अधीक्षक संजय बारकुंड यांनी सांगितले आहे.
याप्रकरणी निजामपूर पोलिसांनी एका संशयताला ताब्यात घेतल असून, बाकीच्या जखमींना नंदुरबार येथील जिल्हा रुग्णालयात उपचारासाठी दाखल करण्यात आले आहे. या मयत महिलांमध्ये एक अल्पवयीन मुली चाही समावेश असल्याचे बोलले जात आहे. ही आग नेमकी कशी लागली याचा तपास आता पोलिस वेगाने करतो आहे.दरम्यान नंदूरबार येथे दाखल करण्यात आलेल्या दोघीही ८० टक्के भाजल्याने एका महिलेस उपचारासाठी धुळे येथे हलविण्यात आले आहे.
