नंदूरबार l प्रतिनिधी
अक्कलकुवा तालुक्यातील खापर जवळ असलेल्या रूमकीतलाव पुलावर दोन मोटरसायकलींचा समोरासमोर भीषण अपघात झाला. या अपघातात दोन तरुण जागीच ठार झाल्याची दुर्दैवी घटना घडली आहे.
या अपघातात नवापूर तालुक्यातील खळीबर्डी येथील अजित भामट्या गावित हा तरुण कामानिमित्त खापर येथे येत असताना. या अपघातात गंभीर जखमी होऊन मयत झाला आहे. तर दुसऱ्या दुचाकी वरील दोन तरुणांपैकी एक जण जागीच ठार झाला आहे. तर एक तरुण गंभीर जखमी झाला आहे. त्याला प्राथमिक उपचारासाठी नंदुरबार येथे दाखल करण्यात आले होते. त्यानंतर पुन्हा त्याला सुरत येथे पुढील उपचारासाठी नेण्यात आले आहे. दिवसेंदिवस दुचाकी अपघातांच्या संख्येत वाढ होत असून.
लग्न समारंभ व इतर ठिकाणी प्रवास करणाऱ्या तरुणांनी आपली वाहने सावकाश चालवावी. वाहतूक नियमांचे पालन करावे असे आवाहन पोलीस दलातर्फे करण्यात येत आहे. दोन्ही मोटरसायकलींची समोरासमोर धडक होऊन झालेल्या भीषण अपघातात. मयत तरुणांच्या परिवारावर दुःखाचा डोंगर कोसळला आहे. मयत तरुणांना लहान मुले पत्नी आई-वडील असा परिवार आहे. घरातील कर्ता पुरुष वारल्याने मोठे संकट परिवारावर ओढावले आहे.
