युवा संघटन उभारुन समाजहितासाठी कार्य करा, युवकांना एकत्र करुन गोरगरीबांना शासकीय योजनांचा लाभ मिळवून देण्यासाठी युवकांच्या संघटना उभारणीवर भर दिला जाईल. तसेच नंदुरबार शहरात राष्ट्रवादी युवक कॉंग्रेसच्या शाखा उभारुन युवकांना व्यासपीठ उपलब्ध करुन देण्यात येईल, असे आवाहन राष्ट्रवादी युवक कॉंग्रेसचे युवानेते ॲड.राऊ मोरे यांनी केले.
राष्ट्रवादी कॉंग्रेस पार्टी नंदुरबार जिल्हाध्यक्ष डॉ.अभिजीत मोरे व नंदुरबार जिल्हा राष्ट्रवादी युवक कॉंग्रेसचे जिल्हाध्यक्ष सिताराम पावरा यांच्या मार्गदर्शनाखाली नंदुरबार राष्ट्रवादी शहर युवक कॉंग्रेसची आढावा बैठक घेण्यात आली. बैठकीच्या अध्यक्षस्थानी राष्ट्रवादी युवानेते ॲड.राऊ मोरे हे होते. यावेळी राष्ट्रवादी युवक कॉंग्रेसचे नंदुरबार शहराध्यक्ष लल्ला पहेलवान म्हणाले की, आजचा काही युवावर्ग भरकटलेला दिसून येत असून देशाची युवा शक्तीचा र्हास होत आहे. युवकांनी एकत्र येवून समाजासाठी कार्य करणे गरजेचे आहे. यासाठी राष्ट्रवादी युवक कॉंग्रेसच्या सर्व पदाधिकार्यांमार्फत युवकांचे संघटन उभाराले जाईल आणि आपली युवाशक्ती देश व समाज हितासाठी कशी वापरली जाईल यासाठी शहर युवक कॉंग्रेसचा प्रयत्न राहील. बैठकीस राष्ट्रवादी शहर युवक कॉंग्रेसचे कार्याध्यक्ष कालु पहेलवान, उपाध्यक्ष लाला बागवान, सरचिटणीस अमोल पिंपळे, संघटक जितु ठाकरे, तालुका कार्याध्यक्ष प्रमोद महाजन, शहर उपाध्यक्ष राजा ठाकरे, संजय मराठे आदी उपस्थित होते.
