शेल्टापाणी येथे दोन गटात वाद, तिघे जखमी ; परस्पर फिर्यादीवरुन दोघांविरोधात गुन्हा

नंदुरबार l प्रतिनिधी

अक्कलकुवा तालुक्यातील शेल्टापाणी येथे दोन गटात वाद झाल्याने तिघांना दुखापत झाली असून परस्पर फिर्यादीवरुन तिघांविरोधात गुन्हा दाखल करण्यात आला आहे.

अक्कलकुवा तालुक्यातील शेल्टापाणी येथील लालसिंग शामसिंग पाडवी यांच्या पत्नी दिलवलीबाई लालसिंग पाडवी यांनी अनिल कायसिंग वसावे याला मुलाला का मारले याचा जाब विचारला. याचा राग आल्याने लालसिंग शामसिंग पाडवी व दिवलीबाई लालसिंग पाडवी यांना अनिल कायसिंग वसावे याने काठीने लालसिंग पाडवी व दिवलीबाई पाडवी यांना काठीने मारहाण केली. याबाबत लालसिंग वसावे यांच्या फिर्यादीवरुन अक्कलकुवा पोलिस ठाण्यात अनिल वसावे याच्याविरोधात भादंवि कलम ३२४ प्रमाणे गुन्हा दाखल करण्यात आला आहे.

पुढील तपास पोना. गुरुदेव मोरे करीत आहेत. तर लालसिंग शामसिंग पाडवी यांनी परस्पर दिलेल्या फिर्यादीत म्हटले आहे की, अनिल कायसिंग वसावे यांना लालसिंग शामसिंग पाडवी याने मोबाईल चोरी केल्याची विचारणा केली. याचा राग आल्याने अनिल वसावे यांना लालसिंग पाडवी  याने काठीने कपाळावर, कानाजवळ व डोक्यास मारुन दुखापत केली. याबाबत अनिल वसावे यांच्या फिर्यादीवरुन अक्कलकुवा पोलिस ठाण्यात लालसिंग वसावे याच्या विरोधात भादंवि कलम ३२४, ५०४, ५०६, प्रमाणे गुन्हा दाखल करण्यात आला आहे. पुढील तपास पोहेकॉ.वंकर वसावे करीत आहेत.