नंदुरबार | प्रतिनिधी
नाशिक व विसरवाडी येथे स्वस्तात घर व जमीन मिळवुन देण्याचे आमिष देवुन रोख रक्कम तसेच कोर्या चेक वर स्वाक्षर्या करून ते वटवत २७ लाख ८८ हजार ५०० रूपयांची फसवणुक केल्याप्रकरणी विसरवाडी पोलीसात गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार,नवापूर तालुक्यातील भरडु येथे राहणार्या कोलुबाई वळवी यांच्यासह त्यांचे मेव्हणे व बहिनीला स्वस्तात घर व जमीन घेवुन देतो असे आमिष दाखवत धेडग्या गावीत याने रोख रक्कम व कोरे चेक घेतले. धेडग्या गावीत याने त्याच्या विसवाडी येथील स्टेट बँकेच्या खात्यात सदरील चेक वटवुन घेतले.
कोलुबाई वळवी यांच्यासह त्यांचे मेव्हणे व बहिनीची फसवणुक केली म्हणुन कोलुबाई कातुड्या वळवीयांच्या फिर्यादीवरून विसरवाडी पोलीस ठाण्यात धेडग्या होजी गावीत रा.हळदाणी ता.नवापूर याच्या विरूध्द भादवी कलम ४२० प्रमाणे गुन्हा दाखल करण्यात आला आहे.याप्रकरणी पुढील तपास सपोनि नितीन पाटील करीत आहेत.
