नंदुरबार l प्रतिनिधी
नंदुरबार शहरात 1मार्च रोजी थोर समाजसुधारक व थोर निरूपणकार महाराष्ट्रभुषण डॉ. श्री नानासाहेब धर्माधिकारी यांच्या जन्माला शंभर वर्ष पुर्ण होत असुन त्यांच्या जन्मशताब्दी निमित्त डॉ श्री नानासाहेब धर्माधिकारी प्रतिष्ठान रेवदंडा ता अलिबाग जि रायगड यांचे संस्थापक अध्यक्ष तसेच महाराष्ट्र राज्याचे स्वच्छतादुत पद्मश्री डॉ श्री आप्पासाहेब धर्माधिकारी यांच्या प्रेरनेने व डॉ श्री सचिनदादा धर्माधिकारी यांच्या मार्गदर्शनाने
नंदुरबार शहरात खोडाई माता मंदिर परिसर, अंधारे स्टॉप, महाराणा प्रताप पुतळा, बस स्टॅन्ड परिसर व कृषी उत्पन्न बाजार समिती रोड ते जगतापवाडी चौफुली पर्यंत स्वच्छता करण्यात आली.
जिल्ह्याभरात आज शहादा, तळोदा, अक्कलकुवा, धडगाव, दोंडाईचा, खेतिया व सोनगढ येथेही स्वच्छता अभियान राबविण्यात आले या अभियानात प्रतिष्ठानचे 539 श्रीसदस्य सहभागी झाले.असुन त्यात 25 कि मीटरचे दुतरफा रस्ते स्वच्छ केले व 54 टन कचरा संकलन करून 17 ट्रॅक्टर व 3 घंटा गाडीच्या साहाय्याने शहराच्या बाहेर डांपिंग ग्राउंडवर टाकण्यात आला.
डॉ श्री नानासाहेब धर्माधिकारी प्रतिष्ठान हे एक सेवादयी समाजभिमुख उपक्रम राबविणारे प्रतिष्ठान असुन . आत्ता पर्यंत जिल्ह्यात वृक्ष लागवड व संवर्धन, स्मशानभूमी व कबरस्थान स्वच्छता, रक्तदान शिबीर, विहीर व बोरवेल जलपूर्भरण, प्रोढसाक्षरता वर्ग व गरजू विध्यार्थ्यांना मोफत शैक्षणिक साहित्य वाटप इत्यादी विविध समाजहिताचे उपक्रम राबविण्यात आले आहेत.
स्वच्छता अभियानाचे ठळक वैशिष्ट्ये
प्रतिष्ठानच्या श्रीसदस्य संख्या एकूण -539
स्वच्छता केलेल्या दुतर्फा रस्त्याची लांबी -25 कि मी
संकलन केलेला कचरा -54 टन
