नंदूरबार l प्रतिनिधी
नंदुरबार ते दोंडाईचा रस्त्यावरील चाकळे फाट्याजवळ ट्रकने दुकाीला धडक दिल्याने एकाचा मृत्यू झाला तर दोघांना दुखापत झाली असून याप्रकरणी ट्रक चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, साक्री तालुक्यातील हट्टी खुर्द येथील आप्पा तेजमन ठाकरे, समाधान नथ्था पदमोर व प्रभाकर भिवसन पदमोर हे दुचाकीने (क्र.एम.एच.०५ डीडी ४६२२) नंदुरबार-दोंडाईचा रस्त्याने जात हातेे. यावेळी एका वाहन चालकाने त्याच्या ताब्यातील वाहन रस्त्याच्या परिस्थितीकडे दुर्लक्ष करुन भरधाव वेगात वाहन चालवून चाकळे फाट्याजवळ दुचाकीला धडक दिल्याने अपघात घडला. घडलेल्या अपघातात प्रभाकर पदमोर यांचा मृत्यू झाला तर आप्पा ठाकरे व समाधान पदमोर यांना दुखापत झाली.
अपघातानंतर वाहन चालक घटनास्थळावरुन पसार झाल. याबाबत आप्पा ठाकरे यांच्या फिर्यादीवरुन नंदुरबार तालुका पोलिस ठाण्यात वाहन चालकाविरोधात भादंवि कलम ३०४ (अ), २७९, ३३७, ३३८, ४२७ सह मोटार वाहन कायदा कलम १८४, १३४/१८७ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक कमलाकर चौधरी करीत आहेत.
