नंदूरबार l प्रतिनिधी
भारतीय जनता पार्टी महाराष्ट्र चे प्रदेश महामंत्री तथा नंदुरबार जिल्हाध्यक्ष विजय चौधरी यांनी भारतीय जनता पार्टीच्या संघटनात्मक केलेल्या कार्याची तृतीय कार्य अहवाल पुस्तिका भारतीय जनता पार्टीच्या प्रदेश कार्य समितीच्या बैठकीत राज्याचे उपमुख्यमंत्री नामदार देवेंद्र फडणवीस तथा प्रदेशाध्यक्ष आ. चंद्रशेखर बावनकुळे यांच्या शुभहस्ते प्रकाशन करण्यात आले.
विजय चौधरी यांनी मागील वर्षाच्या 23 जून 2021 ते 22 जून 2022 कालावधीत विविध सामाजिक तथा राजकीय कार्यक्रम उपक्रम राबविले तसेच आंदोलने केलीत. याची एक अतिशय सुंदर पुस्तिका तयार करण्यात आली व नाशिक येथे प्रदेश कार्य समितीच्या बैठकी प्रसंगी राज्याचे उपमुख्यमंत्री देवेंद्र फडणवीस व प्रदेशाध्यक्ष, आमदार चंद्रशेखर बावनकुळे यांच्या शुभहस्ते प्रकाशन करण्यात आली. प्रथम व द्वितीय कार्य अहवाल पुस्तिका प्रकाशन देवेंद्र फडणवीस व चंद्रकांत दादा पाटील यांच्या शुभहस्ते झालेले आहे.
यावेळी विजय चौधरी यांच्या कार्याचे कौतुक उपमुख्यमंत्री देवेंद्र फडणवीस व प्रदेश अध्यक्ष, आमदार चंद्रशेखर बावनकुळे यांनी केलं.
