नंदुरबार | प्रतिनिधी-
नंदुरबार : तालुक्यातील भालेर येथे ऊसनवार दिलेल्या पैशांच्या वादातून झालेल्या मारहाणीत चौघांना दुखापत झाली असून परस्पर फिर्यादीतून सात जणांविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील भालेर येथील राकेश गेंधल पाटील यांनी धनंजय कैलास पाटील याच्याकडे दिलेले ऊसनवार पैसे मागितले. याचा राग आल्याने राकेश पाटील यांना धनंजय कैलास पाटील, विनोद बारकू पाटील, विनोद बारकू पाटील यांचा मुलगा व अरविंद बारकू पाटील यांनी शिवीगाळ करुन हाताबुक्यांनी मारहाण केली. तसेच हेमंत कलास पाटील याने जिवेठार मारण्याच्या उद्देशाने लोखंडी टॉमी डोक्यावर मारुन दुखापत केली. याबाबत राकेश पाटील यांच्या फिर्यादीवरुन नंदुरबार तालुका पोलिस ठाण्यात पाच जणांविरोधात भादंवि कलम ३०७, ३२३, १४३, १४७, १४८, १४९, ५०४, ५०६ प्रमाणे गुन्हा दाखल करण्यात आला आहे.
पुढील तपास सहाय्यक पोलिस उपनिरीक्षक कमलाकर चौधरी करीत आहेत. तसेच धनंजय कैलास पाटील यांनी परस्पर दिलेल्या फिर्यादीत म्हटले आहे की, धनंजय पाटील यांच्याकडे मुकेश गेंधल पाटील याने दिलेले ऊसनवार पैसे मागितले. याचा कारणावरुन धनंजय पाटील, हेमंत कैलास पाटील, विनोद बारकू पाटील यारंना मुकेश गेंधल पाटील, राकेश गेंधल पाटील यांनी लोखंडी रॉड डोक्यावर मारुन दुखापत केली. तसेच हाताबुक्यांनी मारहाण व शिवीगाळ करुन जिवेठार मारण्याची धमकी दिली. याबाबत धनंजय पाटील यांच्या फिर्यादीवरुन नंदुरबार तालुका पोलिस ठाण्यात दोघांविरोधात भादंवि कलम ३२४, ३२३, ४२७, ५०४, ५०६, ३४ प्रमाणे गुन्हा दाखल करण्यात आला आहे. पुढील तपास पोना.एकनाथ ठाकरे करीत आहेत.
