नंदुरबार | प्रतिनिधी
धुळे-सुरत महामार्गावरील नवापूर शहराजवळ ट्रकने ट्रॉलाला धडक दिल्याने एक जण जखमी झाल्याची घटना घडली. याप्रकरणी ट्रक चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, खन्ना लालजी गुजर (रा.कोठडा जि.भिलवाडा, राजस्थान) हे त्यांच्या ताब्यातील ट्रॉला (क्र.आर.जे. ०६ जीसी ३९८७) घेवून धुळे-सुरत महामार्गाने जात होते. यावेळी अकिल अब्दुल्ला खान (मालमगाव जि.नुह हरियाणा) याने त्याच्या ताब्यातील ट्रक (क्र.टी.एन.८८ एच ८०९०) रस्त्याच्या परिस्थितीकडे दुर्लक्ष करुन भरधाव वेगात ट्रक चालवून नवापूर शहराजवळील भारत पेट्रोलियमनजीक टाटा टेल्को शो-रुमजवळ ट्रॉलाच्या मागील बाजूस मध्यभागी धडक दिली. या अपघातात दोन्ही वाहनांचे नुकसान झाले तसेच अकील अब्दुल्ला खान याला दुखापत झाली.
याबाबत खन्ना लालजी गुजर यांच्या फिर्यादीवरुन नवापूर पोलिस ठाण्यात ट्रक चालक अकिल अब्दुल्ला खान याच्याविरोधात भादंवि कलम २७९, ३३७, ३३८, ४२७, मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक गुमानसिंग पाडवी करीत आहेत.
