नंदुरबार l
शहरातील जिल्हा रुग्णालयाजवळ पिकअप वाहनाने धडक दिल्याने दुचाकीस्वार जखमी झाल्याची घटना घडली.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील नांदरखेडा येथील योगेश सुनिल पाडवी हे दुचाकीने (क्र.जी.जे.२६ एल ५९३०) नंदुरबार जिल्हा रुग्णालयाजवळून जात होते. यावेळी एका पिकअप वाहन चालकाने त्याच्या ताब्यातील पिकअप वाहन भरधाव वेगात चालवून दुचाकीला धडक दिल्याने अपघात घडला. घडलेल्या अपघातात योगेश पाडवी यांना दुखापत झाली असून दुचाकीचेही नुकसान झाले आहे.
अपघातानंतर पिकअप वाहन चालक घटनास्थळावरुन पसार झाला. याबाबत योगेश पाडवी यांच्या फिर्यादीवरुन नंदरबार शहर पोलिस ठाण्यात पिकअप वाहन चालकाविरोधात भादंवि कलम २७९, ३३७, ३३८, ४२७ सह मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक गुन्साराम गवळी करीत आहेत.
