नंदुरबार l
शहरातील बाबा गणपती नगरात घरफोडी करीत चोरट्यांनी साडेचार हजाराची रोकड लांबवून नेली.
याबाबत पोलिस सूत्रांनी दिलेल्या माहितीनूसार, नंदुरबार येथील सेवानिवृत्त पोलिस उपनिरीक्षक गंगाराम लक्ष्मण जिरे यांचे घर आहे. सदर घराचे चोरट्यांनी १० हजाराचा सागवानी दरवाजा व लोखंडी कुलूप तोडून नुकसान केले. तसेच घरात प्रवेश करुन सागवाणी कपाटात असलेले ४ हजार ५०० रुपयांची रोकड चोरुन नेली.
याबाबत गंगाराम जिरे यांच्या फिर्यादीवरुन उपनगर पोलिस ठाण्यात अज्ञातांविरोधात भादंवि कलम ४५४, ४५७, ३८०, ४२७ प्रमाणे गुन्हा दाखल करण्यात आला आहे. पुढील तपास सहायायिक पोलिस उपनिरीक्षक राजेंद्र दाभाडे करीत आहेत.
