नंदुरबार l
तालुक्यातील उमर्दे बु. फाट्याजवळ वाहनाने दुचाकीला धडक दिल्याने एक जखमी झाला असून वाहन चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील मोठे उमज येथील भिमसिंग तापसिंग वळवी हे दुचाकीने जात होते. यावेळी एका वाहन चालकाने त्याच्या ताब्यातील वाहन (क्र.जी.जे.०५ जेएम ५७७१) रस्त्याच्या परिस्थितीकडे दुर्लक्ष करुन भरधाव वेगात चालवून उमर्दे बु. फाट्याजवळ दुचाकीला धडक दिल्याने अपघात घडला.
या अपघातात भिमसिंग वळवी यांना दुखापत झाली असून दुचाकीचेही नुकसान झाले. याबाबत तुकाराम रुबजी वळवी यांच्या फिर्यादीवरुन उपनगर पोलिस ठाण्यात वाहन चालकाविरोधात भादंवि कलम २७९, ३३७, ३३८, ४२७ सह मोटार वाहन कायदा कलम १८४, १३४, १८७ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक केशव गावित करीत आहेत.
