नंदुरबार l
तालुक्यातील खांदेपाडा येथे भांडण करु नका असे सांगितल्याच्या कारणावरुन एकावर ब्लेडने वार करुन दुखापत केल्याप्रकरणी गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील खांदेपाडा येथील लैलेश इंदा वसावे यांनी मोठमोठ्याने ओरडू नका व भांडू करु नका असे सांगितले. याचा राग आल्याने राकेश सकऱ्या गावित याने शिवीगाळ करीत लैलेश वसावे यांच्यावर ब्लेडने वार करुन दुखापत केली.
याबाबत लैलेश वसावे यांच्या फिर्यादीवरुन नंदुरबार तालुका पोलिस ठाण्यात राकेश गावित याच्याविरोधात भादंवि कलम ३२४, ३२३, ५०४ प्रमाणे गुन्हा दाखल करण्यात आला आहे. पुढील तपास पोहेकॉ.सुरेश गावित करीत आहेत.
