नंदुरबार l
येथील राष्ट्रवादी युवक कॉंग्रेसतर्फे सोमवार दि.१२ डिसेंबर रोजी ओपन कुस्ती दंगलचे आयोजन करण्यात आले आहे. यावेळी जास्तीत जास्त कुस्तीप्रेमींनी उपस्थित रहावे असे आवाहन आयोजकांतर्फे करण्यात आले आहे.
राष्ट्रवादी कॉंग्रेस पार्टीचे सर्वेसर्वा शरद पवार यांच्या ८२ व्या वाढदिवसानिमित्त राष्ट्रवादी युवक कॉंग्रेसतर्फे येथील शहर पोलीस स्टेशन समोर, नेहरु पुतळा जवळील पोलीस ग्राऊंडमध्ये सोमवार दि.१२ डिसेंबर २०२२ रोजी दुपारी २ ते ६ वाजेपर्यंत ओपन कुस्ती दंगल होणार आहे. राष्ट्रवादी कॉंग्रेस पार्टीचे जिल्हाध्यक्ष डॉ.अभिजीत मोरे यांच्या हस्ते ओपन कुस्ती दंगचे उद्घाटन होणार असून यावेळी प्रदेश सचिव राऊ मोरे तसेच आदी मान्यवरांची प्रमुख उपस्थिती राहणार आहे.
विजयी कुस्तीगीरांना सन्मानचिन्ह पितळी गदा तसेच रोख रक्कम देवून गौरविण्यात येणार आहे. यावेळी जास्तीत जास्त कुस्तीप्रेमींनी उपस्थित रहावे, असे आवाहन आयोजक राष्ट्रवादी युवक कॉंग्रेस पार्टीचे शहराध्यक्ष पै.लल्ला मराठे, पै.नायब कुरेशी यांनी केले आहे.
