नंदूरबार येथील कल्याणी पार्क येथे घरफोडी

नंदुरबार l प्रतिनिधी

शहरातील कल्याणी पार्क येथे चोरट्याने घरफोडी करीत रोकडसह सोने-चांदीचे दागिने असा सुमारे ३६ हजाराचा ऐवज चोरुन नेला.

याबाबत पोलिस सूत्रांनी दिलेल्या माहितीनूसार, नंदुरबार येथील जगदिश नारायण खेडकर याचे कल्याणी पार्क येथे २९ बी येथे घर आहे. सदर घराच्या दरवाजाचे कुलूप तोडून चोरट्याने आत प्रवेश केला. यावेळी घरात असलेली १५ हजार रुपयांची रोकड व २० हजार ६०० रुपये किंमतीचे सोने-चांदीचे दागिने असा एकूण ३५ हजार ६०० रुपयांचा ऐवज चोरुन नेला.

याबाबत जगदिश खेडकर यांच्या फिर्यादीवरुन नंदुरबार शहर पोलिस ठाण्यात अज्ञाताविरोधात भादंवि कलम ४५४, ४५७, ३८० प्रमाणे गुन्हा दाखल करण्यात आला आहे. पुढील तपास पोहेकॉ.निलेश पाटील करीत आहेत.