नवापूर | प्रतिनिधी
नवापूर शहरातील के.जी.एन किराणा दुकानातून मोबाईल चोरीला गेल्याची घटना घडली होती.या प्रकरणी नवापूर पोलीस ठाण्यात एका विरुद्ध गुन्हा दाखल करून एकास अटक करण्यात आली आहे.
प्राप्त पोलीस माहितीनुसार ६ नोव्हेंबर रोजी दुपारच्या वेळेत नवापूर शहरातील के.जी.एन किराणा दुकानात वसीम बाबुभाई शेख हे आपल्या व्यवसायात मग्न असताना संधीचा फायदा घेत जवळच उभा असलेला भगतवाडी परिसरातील अंकित राजू मराठे या संशयिताने मोगाईल चोरून नेल्याची घटना घडली होती.
याबाबत नवापूर पोलीस ठाण्यात वसीम बाबुभाई शेख यांच्या फिर्यादीवरून अंकित राजू मराठे रा.भगतवाडी याच्याविरुद्ध भादवी कलम ३७९ प्रमाणे मोबाईल चोरीचा गुन्हा दाखल करण्यात आला असुन सदर गुन्हाचा तपासात नवापूर पोलिस स्टेशनचे सहायक पोलिस निरीक्षक निलेश वाघ यांच्या मार्गदर्शनाखाली गुन्हाचा तपास जमादार विकास पाटील करीत असुन दादाभाई वाघ,गुमानसिंग पाडवी,रणजीत महाले,जमादार युवराजसिंग परदेशी यांनी आरोपीतास मुद्देमाल सह ताब्यात घेऊन अटक केली आहे.
