तळोदा l प्रतिनिधी
येथील काँग्रेसचे दोन नगरसेवक व राष्ट्रवादी चा कार्यकर्ता कृउबाचे संचालक अश्या तीन जणांनी ठाणे(मूबई) येथील कार्यालयात भाजपचे प्रदेशाध्यक्ष चंद्रशेखर बाबनकूळे यांच्या हस्ते भारतीय जनता पक्षात पक्ष प्रवेश केला.
पालिकेत काँग्रेसचे प्रतोद, काँग्रेसचे शहराध्यक्ष, नगरसेवक गौरव वाणी, काँग्रेसच्या माजी नगराध्यक्षा रत्नाताई चौधरीचे पती,नगरसेवक सुभाष चौधरी, राष्ट्रवादी काँग्रेस चे नेते तथा कृषी उत्पन्न बाजार समितीचे मा संचालक भरत चौधरी, युवा सेनेचे माजी शहर प्रमुख (उद्धव ठाकरे गट) देवा कलाल, यांच्यासह शेकडो कार्यकर्त्यांनी पक्ष प्रवेश केला.
गौरव वाणी व सूभाष चौधरी हे काँग्रेसचे नगरसेवक असून माजी नगराध्यक्षा भरत माळी व माजी मंत्री अँड पद्माकर वळवी यांचे कट्टर समर्थक आहेत. राष्ट्रवादीचे भरत चौधरी हे माजी आमदार उदेसिंगदादा पाडवी यांचे खंदे समर्थक आहेत.त्यांचा पक्षात पूनर्वसनसाठीच त्यांनां कृषी उत्पन्न बाजार समितीचे स्विकृत सदस्य घेतले आहे.
मूबई येथील भाजपा पक्ष प्रवेश वेळी तळोदा शहादा मतदार संघाचे आमदार राजेश पाडवी, लोकनियुक्त नगराध्यक्ष अजय परदेशी, जिल्हाध्यक्ष विजय चौधरी, प्रदेश सदस्य डॉ.शशिकांत वाणी, शहराध्यक्ष योगेश चौधरी, ठाण्याचे नगरसेवक सुनेस जोशी, तळोदा व्यापारी आघाडी अध्यक्ष दीपक कलाल,कुणाल चौधरी, संतोष माळी, भरत कर्णकार, योगेश कलाल, किशोर कलाल, भरत कर्णकार, दुर्वेश कलाल, नरेश चौधरी, कैलास चौधरी, शरद माळी, पंकज तांबोळी, कुशल सोनार, संजय वाणी, प्रतीक तांबोळी, पंकज ठाकरे, यांसह शेकडो कार्य कर्त्यांनी प्रवेश केला.
