नंदुरबार, नवापूर व शहादा तालुक्यातील अनुसूचित जमातीच्या लाभार्थ्यांकडून विविध योजनेसाठी अर्ज सादर करण्याचे आवाहन

नंदुरबार   l

एकात्मिक आदिवासी विकास विभागातर्गत सन 2022-2023 या वर्षांत केंद्रवर्ती अर्थसंकल्प न्यूक्लिअस बजेट योजनातर्गत विविध योजनेचा लाभ देण्यासाठी नंदुरबार, नवापूर व शहादा तालुक्यातील अनुसूचित जमातीच्या लाभार्थ्यांकडून 18 नोव्हेंबर,2022 पर्यत अर्ज मागविण्यात येत आहे.

व्हीडीओ शुटींग कॅमेरा, शिलाई मशिन, व मिनी चक्की खरेदी करण्यासाठी 85 टक्के अर्थसहाय्य देण्यात येईल. योजनेच्या अधिक माहिती व अर्जासाठी (सुटीचे दिवस वगळून) एकात्मिक आदिवासी विकास प्रकल्प कार्यालय, नवापूर रोड, नंदुरबार येथे संपर्क साधावा, असे आवाहन प्रकल्प अधिकारी तथा सहाय्यक जिल्हाधिकारी मीनल करनवाल यांनी प्रसिध्दीस दिलेल्या शासकीय पत्रकान्वये केले आहे.