नंदुरबार l प्रतिनिधी
अक्कलकुवा तालुक्यातील मोलगी नाक्याजवळ ट्रकने धडक दिल्याने पादचाऱ्याचा मृत्यू झाल्याची घटना घडली.
याबाबत पोलिस सूत्रांनी दिलेल्या माहितीनूसार, अक्कलकुवा तालुक्यातील जमाना येथ्ील सायसिंग टेमऱ्या वसावे हे अक्कलकुवा येथील मोलगी नाकाजवळून जात होते. यावेळी एका ट्रक चालकाने त्याच्या ताब्यातील ट्रक (क्र.जी.जे.१६ एव्ही ६९४८) रस्त्याच्या परिस्थितीकडे दुर्लक्ष करुन भरधाव वेगात ट्रक चालवून पायी जाणाऱ्या सायसिंग वसावे यांना धडक दिल्याने त्यांचा मृत्यू झाला.
याबाबत राजू सायसिंग वसावे यांच्या फिर्यादीवरुन अक्कलकुवा पोलिस ठाण्यात ट्रक चालकाविरोधात भादंवि कलम ३०४ (अ), २७९, ३३७, ३३८, मोटार वाहन कायदा कलम १८४, १८७/१३४ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक राजेश गावित करीत आहेत.
