नंदूरबार l प्रतिनिधी
महाराष्ट्र स्तरावरील रियल हिरो पुरस्कार जिल्ह्यातील 5 सर्पमित्रांचा गौरव करण्यात आला.नंदुरबार जिल्ह्याचे मानद वन्यजीव रक्षक सागर निकुंभे यांना सर्प अभ्यासक म्हणून विशेष पुरस्कार प्रदान करण्यात आला.
विवेकानंद शिक्षण प्रसारक मंडळ पहेणी जिल्हा हिंगोली द्वारा आयोजित राज्यस्तरीय द रिअल हिरो पुरस्कार हा वन्यजीव क्षेत्रात उल्लेखनीय कार्य केल्याबद्दल विशेषतः सर्पमित्रांना दिला जातो. सर्पतज्ञ निलिमकुमार खैरे, सर्पदंश तज्ञ डॉ संजय नाकाडे यांच्या वाढदिवसाचे औचित्य साधून हिंगोली येथे या वर्षीच्या पुरस्कार सोहळ्याचे आयोजन करण्यात आले होते.
महाराष्ट्रातील 350 सर्पमित्र 50 महिला सर्पमित्र आणि 20 अभ्यासक असे पुरस्कार देण्यात आले , नंदुरबार जिल्ह्यातील ५ सर्पमित्र १ महिला सर्पमित्र आणि १ अभ्यासकाला सर्पतज्ञ निलीमकुमार खैरे, डॉ संजय नाकाडे , हिंगोलीचे आमदार संतोष बांगर, मानद वन्यजीव रक्षक श्रीधर कंदी, सर्पअभ्यासक देवदत्त शेळके, आयोजक विजयराज पाटील , यांच्या प्रमुख उपस्थितीत पुरस्कार प्रदान करण्यात आले.या पुरस्कार सोहळ्यात वन्यजीव संरक्षण संस्थेच्या नंदुरबार, जळगाव, नाशिक, नांदगाव,येथील सर्पमित्रांचा रियल हिरो 2022 म्हणून गौरव करण्यात आला,
वन्यजीव संरक्षण संस्थेचे जिल्ह्यातील रियल हिरो पुरस्कार विजेते
पूनम भावसार महेश तावडे, संजय वानखेडे, देवेंद्र वसईकर, शोयेब मणियार, निलेश वाघ , यांना गौरविण्यात आले. महिला सर्पमित्र पूनम भावसार याना शूर तेजस्विनी पुरस्कार मिळाला. नंदुरबार वनविभाग चे मानद वन्यजीव रक्षक सागर निकुंभे यांना वन्यजीव अभ्यासक २०२२ विशेष पुरस्कार देण्यात आला.
