नंदुरबार | प्रतिनिधी
नंदूरबार तालुक्यातील ७५ ग्रामपंचायतीच्या निवडणुकीसाठी उद्या दि. १८ सप्टेंबर रोजी मतदान होणार असुन त्यासाठी काल १ हजार ३१४ कर्मचारी मतदान केंद्रांवर रवाना झाले. सहा सरपंच बिनविरोध झाले असून ६१५ जागांसाठी ११८६ तर लोकनियुक्त सरपंच पदासाठी २१९ जण रिंगणात आहेत.
नंदुरबार तालुक्यातील ७५ ग्रामपंचायतींची निवडणूक प्रक्रिया सुरू आहे. लोकनियुक्त सरपंच पदासाठी ६९ जागांसाठी २१९ जण तर ६१५ सदस्य पदांच्या जागांसाठी १ हजार १८६ उमेदवार रिंगणात आहेत.उद्या दि.१८ सप्टेंबर रोजी ७५ ग्रामपंचायतीच्या निवडणुकीसाठी मतदान होणार असुन त्यासाठी २१९ केंद्रांची निमिर्ती करण्यात आली आहे.
नंदुरबार येथील वखार महामंडळ येथे तहसिलदार भाऊसाहेब थोरात यांनी कर्मचार्याना मार्गदर्शन केले.त्या ठिकाणी साहित्याचे वाटप करण्यात आले केंद्र अध्यक्ष,मतदार अधिकारी १,२,३, पोलीस शिपाई, १ होमगार्ड असे प्रत्येक मतदान केंद्रांसाठी ६ कर्मचारी असे एकुन १ हजार ३१४ कर्मचारी मजदान साहित्यासह २१९ मतदान केंद्रांवर रवाना झाले
उमेदवारी अर्ज मागे घेण्याची अंतिम मुदत होती माघारीअंती सहा ग्रामपंचायतींमध्ये सहा लोकनियुक्त सरपंच बिनविरोध झाले आहेत. ३२ ग्रामपंचायतीत लोकनियुक्त सरपंच पदासाठी सरळ लढत रंगणार आहे.
माघारीअंती २५७ जणांनी माघार घेतल्याने ६१५ सदस्यांच्या जागांसाठी ११८६ उमेदवार रिंगणात आहेत तर ६९ सरपंचांसाठी २१९ जण रिंगणात आहेत. लोकनियुक्त सरपंच पदासाठी एकूण ९३ जणांनी माघार घेतल्याने २१९ जण रिंगणात आहेत.
३२ लोकनियुक्त सरपंचांसाठी सरळ लढत
माघारीअंती सहा ग्रामपंचायती बिनविरोध झाल्या असून ३२ ग्रामपंचायतींच्या लोकनियुक्त सरपंच पदासाठी सरळ लढत रंगणार आहे.यामध्ये अजेपूर, अंबापूर, बिलाडी,आष्टे, बालआमराई, धीरजगाव, गंगापूर,घोगळगाव,पाचोराबारी, जळखे, श्रीरामपूर, शिरवाडे, ठाणेपाडा,विरचक, आर्डीतारा, धुळवद, मालपूर, निंबोणी, निमगाव,राजापूर, शेजवे, वेळावद, इंद्रीहट्टी, दहिंदुले बु, दहिंदुले खु, पिंपरी, सुंदरदे, करजकुपे, होळतर्फे हवेली, खोडसगाव, कोळदे, पळाशी,शिंदे, वाघोदा या ग्रामपंचायतींमध्ये लोकनिुयक्त सरपंच पदासाठी सरळ लढत होणार आहे.
सहा सरपंच बिनविरोध
माघारीअंती ७५ पैकी सहा ग्रामपंचायतींमधील लोकनियुक्त सरपंच बिनविरोध झाले आहेत. यात सुतारे, भवानीपाडा, देवपूर, नटावद, पथराई, वरुळ या ग्रामपंचायतींचा समावेश आहे.
या गावात आहेत निवडणुका
काळंबा , रनाळेखुर्द , भोणे , वाघशेपा , धीरजगाव , चाकळे , धुळवद , नळवे खुर्द , निमगाव , पावला , वेळवाद , बिलाडी , नंदपूर , लहान शहादे , आष्टे , अजेपूर , अंबापूर , बालआमराई , ढेकवद , दुधाळे , फुलसरे , घोगळगाव , हरिपूर , जळखे , खामगाव , नागसर , नांदखें , नारायणपूर , नवागाव , निंबोणी , पाचोराबारी , पिंप्री , शिरवाडे , श्रीरामपूर , सुतारे , उमज , वडझाकण , वाघाळे , विरचक , टोकरतलाव , गंगापूर , इंद्रीहट्टी , पळाशी , ठाणेपाडा , वाघोदा , वरूळ , वासदरे , दहिंदुले बुद्रुक , दहिंदुले खुर्द , होळतर्फे हवेली , खोडसगाव , कोळदे , पातोंडा , शिंदे , आर्डीतारा , भांगडा , भवाणीपाडा , देवपूर , धमडाई , गुजरभवाली , करजकुपे , कोठली , लोय , मालपूर , मंगळूर , नळवे बुद्रुक , नटावद , पथराई , राजापूर , शेजवे , शिवपूर , सुंदर्दे , उमर्दे बुद्रुक , वसलाई , व्याहूर या गावांचा समावेश आहे .
