नंदूरबार l प्रतिनिधी
शिवसेना पक्षाचे नंदुरबार जिल्हाप्रमुख तथा विधान परिषदेचे आमदार आमश्या पाडवी यांच्या नेतृत्वाखाली नवापूर तालुक्यात ग्रामपंचायत निवडणूक लढविण्यासाठी शिवसेना कोर कमिटीची बैठक संपन्न झाली.
नवापूर तालुक्यात ग्रामपंचायत निवडणूक मध्ये काँग्रेस-राष्ट्रवादी व भाजपमध्ये नाराज असलेले उत्सुक कार्यकर्ते शिवसेना कडे येण्याची शक्यता असल्याने इतर पक्षांना मोठा फटका बसणार आहे. शिवसेनेचे आमदार आमश्या पाडवी यांच्या नेतृत्वाखाली ग्रामपंचायत निवडणूक लढविण्यासाठी जोरदार मोर्चे बांधणी सुरू आहे.
सातपुड्यातील दोऱ्या खोऱ्यात शिवसेना पक्ष वाढवणारे आमश्या पाडवींनी आता नवापूर तालुक्यात शिवसेना पक्ष वाढीसाठी मोर्चा वळवला असल्यामुळे काँग्रेस पक्षाला मोठा धक्का बसणार आहे. अनेक गावांमध्ये काँग्रेस पक्षात नाराज असलेले कार्यकर्ते शिवसेनेच्या वाटेवर असल्याने शिवसेना पक्षामधून निवडणूक लढविणाऱ्या कार्यकर्त्यांना मार्गदर्शन करण्यासाठी कोर कमिटीत उपस्थित कार्यकर्त्यांना आमदार पाडवी यांनी मार्गदर्शन केले.
यावेळी जिल्हा संघटक लक्ष्मण वाडीले, जिल्हाप्रमुख गोटू पाटील, युवती सेना संघटक मालती वळवी, तालुका प्रमुख कल्पित नाईक, शहर प्रमुख अनिल वारुळे, तालुका संघटक देवका पाडवी, युवा सेनाउपजिल्हा अधिकारी दिनेश भोई, के. टी गावित, किसन सिरसाट उपशहर प्रमुख सचिन चौधरी, मनोज वाडीले, प्रमोद वाघ, महेद्र गावित, फिरोज कुरेशी, दिनेश खैरनार , सुनीता पाडवी आदी उपस्थित होते.
