नंदुरबार | प्रतिनिधी
नंदुरबार येथील एकाला व्याजाचे पैसे असल्याचे सांगून अपहरण करून तळोदा येथे डांबून ठेवून ठार मारण्याची धमकी देत बळजबरीने अंगावरचे दागिने काढल्याप्रकरणी सहा जणांविरूध्द उपनगर पोलीस ठाण्यात गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार, नंदुरबार शहरातील सी.बी.पेट्रोल पंप येथून सुनिल ब्रिजलाल चौधरी व इतर पाच जणांनी संनगमत करून नंदुरबार येथे राहणार्या जितेंद्र पुनमचंद सोनी यांना व्याजाचे पैसे असल्याचे सांगून वाहनात डांबून नेले व तळोदा येथील संजय हॉटेल व हॉटेलपासून काही अंतरावर असलेल्या स्टाफरूममध्ये डांबून ठेवले
तसेच स्टीलच्या पाईपने हाताबुक्यानी मारून ठार मारण्याची धमकी दाखवून दशहत निर्माण करत जितेंद्र सोनी यांच्या अंगावरील ११ ग्रॅम वजनाची सोन्याची साखळी, १८ हजार रूपये रोख जबरदस्तीने काढून घेतले तसेच ९० हजाराची कार (क्र.एम.एच.२१- व्ही. १२९७) व ३० हजार रूपये किंमतीचे स्कुटी (क्र.एम.एच.३९-ए.के.६००७) वाहनासह १ लाख ८५ हजाराचा मुद्देमाल स्वतः जवळ ठेवून घेतला म्हणून
जितेंद्र पुनमचंद सोनी रा.लक्ष्मीनगर (नंदुरबार) यांच्या फिर्यादीवरून सुनिल ब्रिजलाल चौधरी, पुजा सुनिल चौधरी, संजय ब्रिजलाल चौधरी सर्व रा.तळोदा (जि.नंदुरबार), निलेश व विरजी तसेच एक अनोळखी इसम यांच्या विरूध्द उपनगर पोलीस ठाण्यात भादंवि कलम ३६४ (अ) ३९४, ३४२, ३२४, ३२३, ५०४, ५०६, ३७ प्रमाणे गुन्हा दाखल करण्यात आला आहे. याप्रकरणी पुढील तपास सपोनि दिनेश भदाणे करीत आहेत.
