खेतिया l प्रतिनिधी
येथील कृषी उत्पन्न बाजार समितीमध्ये कापूस खरेदीचा शुभारंभ कृषी उत्पन्न बाजार समितीचे सचिव मंसाराम जामरे, खेतिया कॉटन असोसिएशनचे अध्यक्ष महिपाल नाहर यांच्या हस्ते पूजा अर्चना करून कापूस लीलावाचा शुभारंभ करण्यात आला.
यावेळी मंडीच्या प्रांगणात व्यापारी, शेतकरी, हमाल, मापाडी मोठ्या संख्येने उपस्थित होते. कापूस खरेदी सुरू होत आहे असे कळताच बाजार समितीमध्ये वाहनांची वर्दळ सुरू झाली. यामध्ये सर्वप्रथम पहिले वाहन व पहिली बोली अर्थे ता. शिरपूर येथील शेतकरी आबा पाटील यांच्या कापसाला 8005 रु प्रति क्विंटल भाव देण्यात आला आणि सदर कापूस हा मित्तल इंडस्ट्रीज ने खरेदी केला व त्यावेळी शेतकरी यांचा सत्कार करण्यात आला. त्याचप्रमाणे बाजार समितीमध्ये विक्रीसाठी आणलेल्या कापसाला सर्वात जास्त भाव अनरद ता.शहादा येथील शेतकरी उत्तमराव पुंडलिक यांच्या कापसाला जास्तीत जास्त भाव 10 हजार 500 रुपये (10,500) रुपये प्रति क्विंटल इतका भाव देण्यात आला आणि सदर कापूस हा नाकोडा ऍग्रोटेक यांनी खरेदी केला. बाजार समितीमध्ये एकूण 20 वाहने आली होती व कापसाची आवक चांगली होती. कापसाला जास्तीत जास्त भाव 10,500 रु तर कमीत कमी 6,950 रु भाव होता. एकंदरीत शुभ मुहूर्त आवक 125 क्विंटल होती.
यावेळी बाजार समितीचे सचिव मंसाराम जामरे, खेतिया कॉटन असोसीएशनचे अध्यक्ष महिपाल नाहर, संचेती कोटेक्सचे दिलीप संचेती, आदित्य संचेती, मित्तल ग्लोबल कॉटन कमल अग्रवाल, प्रशांत अग्रवाल, प्रांशय अग्रवाल, नानेश इंडस्ट्रीज सुनिल जैन, आशिष जैन, गोकुळ जिनिंग प्रविण शाह, अंकित शाह, दिविल कॉटन पंकज अग्रवाल, बालाजी कॉटन गजानन मालवीय, अमित मालवीय, हितेश सुराणा, नाकोड़ा एग्रो टेक राजेश नाहर, अमित नाहर, सौरभ नाहर, गोवर्धन कोटेक्स दीपेश हरसोला, प्रितेश हरसोला, दुर्गेश्वरी जिनिंग भीकमचंद जोशी, तिवारी जी, अंकित तिवारी, सत्यम जिनिंग मुकेश टाटिया, कमलेश टाटिया, गुरुप्रसाद ट्रेडींग कंपनी आदि कॉटन व्यापारी उपस्थित होते व परिसरातील शेतकरी मोठ्या संख्येने उपस्थित होते. मध्यप्रदेश, महाराष्ट्र व गुजरात राज्यातील शेतकऱ्यांची कापूस विक्री साठी खेतिया बाज़ारपेठ विश्वासू बाजार पेठ म्हणुन प्रसिद्ध आहे.
शेतकरी वर्ग खेतिया बाजार समितीत कापूस विक्री साठी मोठ्या संख्येने येत असतात. खेतिया बाजार समितीच्या कापूस खरेदीच्या भावाकडे सर्वच शेतकऱ्यांचे लक्ष असते. यावेळी बाजार समितीचे अधिकारी व कर्मचारी वृंद यांनी परिश्रम घेतले.
