नंदुरबार l
शहरातील जेपीएन रुग्णालयासमोर घातक हत्यार बाळगल्याप्रकरणी संशयिताविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार शहरातील नेहरु चौकातील संतोष गणपत पोटे हा जेपीएन रुग्णालयासमोर १०० रुपये किंमतीची एक लोखंडी कुऱ्हाड कब्जात बाळगतांना आढळून आला. तसेच जिल्हाधिकाऱ्यांच्या मनाई आदेशाचे उल्लंघन केले.
याबाबत पोशि.हेमंत बारी यांच्या फिर्यादीवरुन नंदुरबार शहर पोलिस ठाण्यात संतोष पोटे याच्याविरोधात महाराष्ट्र पोलिस अधिनियम कायदा कलम ३७ (१) (३) चे उल्लंघन १३५ प्रमाणे गुन्हा दाखल करण्यात आला आहे. पुढील तपास पोना.शिवाजी वसावे करीत आहेत.
