नंदुरबार l प्रतिनिधी
प्रति थेंब अधिक पीक ठिंबक व तुषार सिंचन योजनेसाठी महाडिबीटी पोर्टलवर अर्ज सादर करण्याचे आवाहन जिल्हा अधिक्षक कृषी अधिकारी निलेश भागेश्वर यांनी केले आहे.
नंदुरबार जिल्ह्यासाठी सर्वसाधारण प्रवर्गासाठी 2253.46 लक्ष, अनुसूचित जमातीसाठी 1752.86 लक्ष,अनुसूचित जाती प्रवर्गासाठी 75.20 लक्ष, तसेच दिव्यांग वर्गासाठी 214.18 लक्ष असा लक्षांक प्राप्त झाला आहे.
योजनेसाठी प्राप्त होणाऱ्या अर्जांची संख्या कमी असल्याने शेतकऱ्यांसाठी 15 ऑगस्ट ते 29 ऑगस्ट 2022 या कालावधीत विशेष मोहिम राबविण्यात येणार असल्याने अधिकाधिक शेतकऱ्यांनी या योजनेसाठी अर्ज सादर करावा. योजनेच्या अधिक माहितीसाठी तालुका कृषी अधिकारी, मंडळ कृषी अधिकारी, कृषि पर्यवेक्षक, कृषि सहायक यांच्याशी संपर्क साधावा.असे जिल्हा अधिक्षक कृषी अधिकारी यांनी एका प्रसिद्धीपत्रकान्वये कळविले आहे.
