नवापूर l प्रतिनिधी
नवापूर येथील सराफ गल्ली, दादा गणपती मंडळ, परिसर येथील रस्ता दुरुस्तीबाबतचे निवेदन श्री दादा गणपती मंडळ पदधिकारी यांनी तहसिलदार मंदार कुलकर्णी,मुख्यधिकारी सप्नील मुधलवाडकर,पोलिस निरीक्षक बाळासाहेब भापकर यांना दिले आहे.
त्यांनी निवेदना मध्ये म्हटले आहे. सन २०२२ मानाचा दादा गणपती मंडळाचा ५० वा वर्धापन दिवस सुवर्ण महोत्सव साजरा करण्यात येणार आहे. सदर मंडळाचा परिसर हा मेनरोड जामा मस्जिद ते राकेश राणा यांच्या निवासस्थाना पर्यंतच्या रस्त्याची अत्यंत दयनीय अवस्था असून परिसरातील नागरिकांनी वेळोवेळी सदर रस्ता दुरुस्ती करणेबाबत आपल्या विभागास निवेदने व आंदोलनाचा ईशारा देखील दिला होता.
नगरपरिषद कार्यालयाकडून आजतागायत डागडूजी करुन वेळ काढण्याचा प्रयत्न केला गेला
आहे. परंतु, पावसाचे वातावरण पाहता कामचलाऊ दुरुस्ती दोन दिवसांत जैसे थे तशी परिस्थिती
निर्माण होत आहे. नागरिकांना वाहन व पायी चालण्यास सुध्दा जिकरीचे होत आहे.
आमचा मंडळाचा सन २०२२ सुवर्ण महोत्सव आहे. तरी आपणास या पत्राद्वारे करण्यात येत आहे की, रस्ता चांगल्या प्रकारे दुरुस्त करुन मिळावा, जेणेकरुन आमच्या महोत्सवास कोणत्याही प्रकारची बाधा निर्माण होणार नाही याची कृपया आपण दक्षता घ्यावी.
बुधवार दि. ३१ ऑगस्ट २०२२ रोजी श्री. गणेशाची स्थापनापुर्वी या परिसरातील
रस्त्याचे दुरुस्तीकरण न झाल्यास मंडळाने गणपती विसर्जन न करण्याचा निर्णय सर्वानुमते घेतला
आहे.
यामुळे कायदा व सुव्यवस्थेचा प्रश्न निर्माण झाल्यास यांची सर्वस्वी जबाबदारी ही नवापूर नगरपरिषदेची राहील.असे निवेदना मध्ये म्हटले आहे.यावेळी मंडळाचे अध्यक्ष विराज शहा,दर्शन पाटील,अजय भरत पाटील,धमेंद्र पाटील,प्रशांत पाटील,प्रेमेंद्र पाटील,दर्पन पाटील,भरत सोनार,भिकन पाटील,हरीष सोनार,शैलेंद्र पाटील,अल्पेश पाटील,उमेश पाटील,छोटु पाटील ,कृष्णा पाटील सह श्री दादा गणपती मंडळाचे पदधिकारी उपस्थित होते.
