नंदूरबार l प्रतिनिधी
तळोदा तालुक्यातील सरदारनगर येथे आई सोबत गुरे चारण्यासाठी गेलेल्या ४ वर्षीय बालकावर बिबट्याने हल्ला केल्याने त्याचा जागीच मृत्यू झाल्याची दुर्दैवी घटना घडली.
याबाबत अधिक माहिती अशी की, तळोदा तालुक्यातील सरदारनगर येथे राहणारी बारदा विरसिंग पाडवी या महिलेसोबत तिचा ४ वर्षीय बालक लकी विरसींग पाडवी आज दि.१९ जुलै रोजी सकाळी ९.३० वाजेच्या सुमारास जंगलात गुरे चार गेले असता गुरे जास्त पुढे गेल्याने
गुरांचा मार्ग बदलण्यासाठी त्याची बारदा विरसिंग पाडवी पुढे गेल्या असता अचानक पणे बिबट्याने ४ वर्षीय बालक लकी विरसींग पाडवी याच्यावर हल्ला केला. या हल्ल्यात लकी विरसींग पाडवी याचा मृत्यू झाल्याची दुःखद घटना घडली.दरम्यान बालकाच्या मानेवर ५ व गळ्यावर ४ दातांचे निशाण आहेत.
सदरची माहिती मिळताच आ.राजेश पाडवी, यशवंत ठाकरे, गुड्डू वळवी आदी पोहचले.याबाबत वण विभागाला कळविण्यात आले.उप वनक्षेत्रपाल
एल. एम.पाटील, वनक्षेत्रपाल स्वप्निल भामरे, वासू माळी, जाण्या पाडवी, चूनीलाल पाडवी आदींनी पाहणी केल्याचे प्राथमिक माहिती मिळाली आहे.
