नंदुरबार l प्रतिनिधी
शहादा तालुक्यातील दरा फाट्याजवळ भरधाव वेगातील स्विफ्ट कार उलटल्याने अपघात झाला. यात एक जण ठार झाला असून अन्य तिघे जखमी झाले आहेत. याप्रकरणी चालकाविरोधात गुन्हा दाखल करण्यात आला आहे.
याबाबत अधिक माहिती अशी की, धडगाव तालुक्यातील न्यू स्वस्तिक कॉलनी येथील शरद चंद्रसिंग पाटील हा त्याच्या ताब्यातील स्विफ्ट कारने (क्र.एम.एच.३९ डी ०९१८) येत होता. भरधाव वेगाताली कार
शहादा तालुक्यातील दरा फाट्याजवळील स्वामी नारायण मंदिराजवळ उलटली. या अपघातात शांतीलाल बुधा सुर्यवंशी (४७) रा.गांधी नगर, शहादा हे ठार झाले आहेत. तसेच नरेंद्र दादुसिंग गिरासे, शिलदार गोपाल राणे, रुपेश मधुकर पाटील सर्व रा.शहादा हे जखमी झाले आहेत.
तसेच वाहनाचेही नुकसान झाले. याबाबत किरण बुधा सुर्यवंशी यांच्या फिर्यादीवरुन चालक शरद पाटील याच्याविरोधात भादंवि कलम ३०४ (अ), २७९, ३३७, ४२७, मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक जितेंद्र पाटील करीत आहेत.
