नंदुरबार | प्रतिनिधी-
नंदुरबार तालुक्यातील बोराळे येथील एका अश्‍लिल मेसेज पाठवून ते प्रसारीत करण्याची धमकी देत १९ वर्षीय महिलेने ३० हजार रूपयांची खंडणी उकळण्याची घटना घडली आहे. याबाबत तालुका पोलीस ठाण्यात एका महिले विरूध्द गुन्हा दाखल करण्यात आला आहे.
याबाबत अधिक माहिती अशी की, नंदुरबार तालुक्यातील बोराळे येथील ३८ वर्षीय पुरूषाचा मोबाईलवर १९ वर्षीय महिलेने एप्रिल २०२१ मध्ये मेसेज पाठविला. त्यानंतर दोघांमध्ये व्हॅाटस्अपवर चेटींग झाली. त्यानंतर सदर महिलेने तुझा अश्‍लिल फोटो पाठव असे सांगितले. त्यानंतर सदर पुरूषाने आधी तुझा फोटो पाठव असे सांगितले.
त्यानंतर सदर महिलेने त्या पुरूषाला फोन करत तुम्ही मला अश्‍लिल मेसेज का पाठवता. असे सांगत मी तुझी गावात बदनामी करत पोलीसात गुन्हा दाखल करेल असे सांगत ५० हजार रूपयांची मागणी केली.
त्यानंतर सदर पुरूषाने बोराळे गावाच्या बाहेर नाशिंदे रस्त्यावर ३० हजार रूपये दिले. ३० हजाराची खंडणी उकळणार्‍या महिले विरूध्द फिर्यादीवरून नंदुरबार तालुका पोलीस ठाण्यात भादंवि कलम ३८४ प्रमाणे गुन्हा दाखल करण्यात आला आहे. याप्रकरणी पुढील तपास पोलीस निरीक्षक राहुलकुमार पवार करीत आहेत.
