नंदूरबार l प्रतिनिधी
धडगाव तालुक्यातील कूंडलचा मालपाडा दुर्घटनेतील मयत मुलांचा परिवाराना शासकीय मदत मिळवून देणार असल्याचे सांगत पालकमंत्री ॲड. के.सी.पाडवी वरिष्ठ अधिकाऱ्यांच्या सोबत दूरध्वनी चर्चा करून शासकीय मदती साठी लागणारे प्रस्ताव तयार करण्याचे आदेश दिले आहेत.
धडगाव तालुक्यातील कुंडलचा मालपाडा येथे देवानंद नदी ओलांडून दुसऱ्या पाड्यावर किराणा दुकानावर जाणाऱ्या खोल खड्ड्यात पडून तिघा लहान मुलांचा मृत्यू झाला होता.
या तिघा लहान मुलाच्या परिवाराला शासकीय मदत मिळवून देण्याचे आश्वासन जिल्ह्याचे पालकमंत्री के.सी.पाडवी यांनी दिले आहे.या परिवाराच्या पाठीशी पूर्ण संवेदना असून त्यांना पूर्ण शासकीय मदत मिळवून देण्याचा सूचना प्रशासनातील अधिकाऱ्यांना देण्यात आल्या आहेत.
किराणा दुकानावर जात असताना नदीत असलेल्या खड्ड्यात निलेश दीलवर पाडवी वय 4वर्षे, मेहेर दिलवर पाडवी वय 5 वर्ष आणि पार्वती अशोक पाडवी वय 5 वर्ष यांचा मृत्यू झाला होता.
घडलेल्या घटने नंतर पालकमंत्री ना. ॲड के.सी.पाडवी यांनी सदर दुर्घटनेचा संदर्भात तहसील आणि वरिष्ठ अधिकाऱ्यांच्या सोबत दूरध्वनी चर्चा करून शासकीय मदती साठी लागणारे प्रस्ताव तयार करण्याचे आदेश दिले आहेत.
