नंदुरबार l प्रतिनिधी
अंकलेश्वर-बऱ्हाणपूर महामार्गावरील कवली गावाजवळ दोघा ट्रकांची समोरासमोर झालेल्या धडकेत एका ट्रक चालकास दुखापत झाली असून याप्रकरणी दुसऱ्या वाहन चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, कृष्णाकुमार रामानंद पटेल (रा.तेंदुआ ता. सिरमोर, छत्तीसगड) हे त्यांच्या ताब्यातील मालट्रक (क्र.सी.जी.०४ जेडी ९३१३) अंकलेश्वर-बऱ्हाणपूर महामार्गाने अंकलेश्वरकडे जात होते.
यावेळी एका मालट्रक चालकाने त्याच्या ताब्यातील ट्रक (क्र.एम.एच.१२ पीक्यू ९५७२) रस्त्याच्या परिस्थितीकडे दुर्लक्ष करुन भरधाव वेगात ट्रक चालवून कवली गावाजवळ समोरुन ट्रकला धडक दिल्याने अपघात घडला.
घडलेल्या अपघातात कृष्णाकुमार पटेल यांच्या डोक्याला व कपाळावर गंभीर दुखापत झाली. अपघात घडल्यानंतर ट्रक चालक घटनास्थळावरुन पसार झाला.
याबाबत कृष्णाकुमार पटेल यांच्या फिर्यादीवरुन अक्कलकुवा पोलिस ठाण्यात ट्रक चालकाविरोधात भादंवि कलम २७९, ३३७, ३३८, ४२७ सह मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास पोहेकॉ.मोहन शिरसाठ करीत आहेत.
