म्हसावद l प्रतिनिधी
नंदूरबार डिस्ट्रिक्ट चेस असोसिएशन आणि आय.बी. जी. पब्लिक लायब्ररी नंदुरबार यांच्यामार्फत जिल्हा बुद्धिबळ निवड चाचणी स्पर्धा जी टी पी कॉलेज नंदुरबार येथे दि. 12 जून 2022 रविवार रोजी सकाळी नऊ वाजता आयोजित केले जात आहे.
सदर स्पर्धेत निवड झालेले खेळाडू औरंगाबाद आणि गोंदिया येथे स्पर्धेला पाठवले जातील. 9 वर्षा आतील, 15 वर्षा आतील आणि 19 वर्षा आतील गटात सदर स्पर्धा होतील.
प्रत्येक गटात सहा सहा खेळाडू निवडले जातील त्यातील दोन मुले आणि दोन मुली राज्यस्तरीय स्पर्धेत खेळायला जातील .जिंकलेल्या खेळाडूंना ट्रॉफी आणि प्रमाणपत्र दिले जातील असे आवाहन संघटनेचे अध्यक्ष श्रीकांत अग्निहोत्री, सचिव सुभाष मोरावकर आणि आयबीजी सार्वजनिक वाचनालयाचे संचालक डॉ.नरेंद्र गोसावी यांनी केले आहे
अरबीटर म्हणून राहुल खेडकर आणि संदीप साळुंखे,आमिर खान हे काम पाहणार आहेत. स्पर्धेत जास्तीत जास्त खेळाडूंनी सहभाग घ्यावे असे आवाहन संस्थेचे कार्याध्यक्ष केदार पाटील ,नरेंद्र साबुवाला, प्रा.दिनेश पाटील, प्रा.डॉ तारक दास, आशिकभाई व्होरा ,नितीन घोडके ,मनीष पटेल यांनी केले आहे.