नंदुरबार l प्रतिनिधी
नंदूरबार तालुक्यातील शनिमांडळ, तलवाडे, तिलाली विविध कार्यकारी सोसायटीची निवडणूकीत भाजपा पुरस्कृत परिवर्तन विकास पॅनल व शिवसेना पुरस्कृत शेतकरी विकास पॅनलच्या उमेदवारांमध्ये सरळ लढत होती.
निवडणूक चुरशीच्या वातावरणात पार पडली होती.सोसायटीच्या निकालाकडे तालुक्याचे लक्ष लागून होते. काल दि.5 जून रोजी लागलेल्या निकालानंतर सर्व १३ जागांवर शिवसेनेचे उमेदवार विजयी झाले.
नंदुरबार तालुक्यातील शनिमांडळ विविध कार्यकारी सोसायटीच्या निवडणूकीत आ.डॉ.विजयकुमार गावित यांच्या नेतृत्वाखाली भाजपा पुरस्कृत परिवर्तन विकास पॅनल तर माजी आ.चंद्रकांत रघुवंशी यांच्या नेतृत्वाखाली शिवसेना पुरस्कृत शेतकरी विकास पॅनलने निवडणूक लढविली.
एकूण ६८० इतके मतदान झाले होते. मतदानानंतर निकाल हाती आला असता शिवसेनेचे सर्व १३ उमेदवार निवडून आले आहेत. या निवडणूकीकडे तालुक्याचे लक्ष लागून होते. सदर विकासोची निवडणूक प्रतिष्ठेची मानली जात होती.
यात शिवसेनेने बाजी मारली असून दिलीप विठ्ठल घुगे, नामदेव परशराम पाटील, भावराव साहेबराव पाटील, संतोष खंडू पाटील, हिंमत सहादू पाटील, हिरामण शत्रृघ्न माळी, ठाणसिंग भिका राजपूत, सरदारसिंग चतूर राजपूत,
उषाबाई वसंत पाटील, हिराबाई शांतीलाल पाटील, शिवाजी दशरथ पाटील तसेच कृष्णा पंडीत धनगर, सुरेश वामन ठाकरे हे सदस्य निवडून आले. निकालाअंती शिवसेना पुरस्कृत शेतकरी विकास पॅनल सर्व उमेदवार विजयी झाले आहेत.
यासाठी शिवसेना नेते माजी आ.चंद्रकांत रघुवंशी यांच्या नेतृत्वाखाली जि.प.उपाध्यक्ष ॲड.राम रघुवंशी, जि.प.सदस्य डॉ.सयाजीराव मोरे, प्रविण पाटील, पं.स.सदस्य जितू पवार, सरपंच योगेश मोरे, सरपंच मधुकर पाटील, माजी सरपंच डॉ.सी.पी.सावंत आदींनी परिश्रम घेतले. शिवसेना तालुका प्रमुख रविंद्र गिरासे यांनी सदरची माहिती दिली.
