नवापूर l प्रतिनिधी
नवापूर तालुक्यातील भादवड गावालगत दोन मोटरसायकलीचा समोरासमोर धडक झाल्याने भीषण अपघात झाला. पोलीस कर्मचारीसह
दोन जण गंभीर जखमी झाल्याची घटना घडली आहे.
पोलिस सूत्रांकडून मिळालेल्या माहितीनुसार, मंगळवारी सकाळी अकरा वाजेच्या सुमारास मोटरसायकलीचा अपघात झाला.
युनिकॉन होंडा कंपनीची मोटर सायकल (क्र. GJ 26 S 1939) ने पोलीस कर्मचारी सतीश वसावे हे त्यांच्या पत्नी सोबत नंदुरबारहुन तारपाडा आपल्या गावी घरी येत असताना
समोरून येणारी मोटरसायकल (क्र. एम. एच.15, GU.4212) होण्डा शाईन कंपनीची मोटरसायकल स्वार अजय महाले हे त्यांच्या पत्नीला मेहंदीपाडा येथे सासरवाडीला सोडून आपल्या घरी चिखलपाडा जात असताना समोरासमोर मोटर सायकलची धडक झाल्याने अपघात झाला.
या अपघातात तीन जण गंभीर जखमी झाले. अपघात होताच आजूबाजूच्या लोकांनी घटनास्थळी मदतीसाठी धाव घेतली 108 रुग्णवाहिकेला काॅल करण्यात आला. अर्धा ते एक तास उशीर झाल्याने खाजगी वाहनाद्वारे तिघे जखमी खांडबारा ग्रामीण रुग्णालयात उपचारासाठी दाखल करण्यात आले.
खांडबारा ग्रामीण रुग्णालय जखमींवर प्राथमिक उपचार करून पायलट हेमचंद्र बागुल, डॉ. उदयसिंग गिरासे 108 रुग्णवाहिका द्वारा त्यांना नंदुरबार जिल्हा रुग्णालयात दाखल करण्यात आल्याची माहिती दिली आहे.घटनास्थळी खांडबारा पोलीस दाखल झाले असून घटनेची नोंद खांडबारा पोलीस ठाण्यात करण्याचे काम सुरू असून पुढील तपास पोलिस करीत आहेत.
